សំណួរ-ចម្លើយ (FAQs)
ក. សំណួរ និងចម្លើយស្តីពីរបបស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្ម
របបស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្មត្រូវបានរៀបចំឡើងក្នុងគោលបំណងតម្រូវឱ្យម្ចាស់ ឬនាយករោងចក្រ សហគ្រាសធ្វើការត្រួតពិនិត្យដោយខ្លួនឯងជាមុននូវការអនុវត្តច្បាប់និងបទប្បញ្ញត្តិក្នុងវិស័យការងារតាមប្រព័ន្ធស្វ័យប្រវត្តិកម្ម។
របបស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្មអនុវត្តចំពោះគ្រប់រោងចក្រ សហគ្រាសដែលស្ថិតនៅក្រោមដែនអនុវត្តនៃច្បាប់ស្ដីពីការងារ។
ម្ចាស់ ឬនាយករោងចក្រ សហគ្រាសមានកាតព្វកិច្ចស្វ័យប្រកាសអធិការកិច្ចការងារក្នុងប្រព័ន្ធស្វ័យប្រវត្ដិកម្មចំនួន ២ (ពីរ) លើកក្នុងមួយឆ្នាំ គឺលើកទី១ ឱ្យបានមុនដំណាច់ខែមិថុនា និងលើកទី២ ឱ្យបានមុនដំណាច់ខែធ្នូ នៃឆ្នាំនីមួយៗ តាមរយៈគេហទំព័រ HTTPS://SICMS.MLVT.GOV.KH និងត្រូវធ្វើបច្ចុប្បន្នភាពព័ត៌មានក្នុងរបាយការណ៍នៃរបបស្វ័យប្រកាសអធិការកិច្ចការងារឱ្យបានរួចរាល់ មុនកាលបរិច្ឆេទនៃការចុះធ្វើអធិការកិច្ចការងារសាមញ្ញ។
ម្ចាស់ ឬនាយករោងចក្រ សហគ្រាសត្រូវមានគណនីសហគ្រាសដែលបានចុះឈ្មោះក្នុងប្រព័ន្ធ HTTPS://LACMS.MLVT.GOV.KH ដោយបំពេញអ៊ីម៉ែលក្នុងឈ្មោះអ្នកប្រើប្រាស់(USERNAME) និងពាក្យសម្ងាត់ (PASSWORD) ដែលបានបង្កើតក្នុងប្រព័ន្ធLACMS រួចចុចប៊ូតុង "ចូល" ដើម្បីចូលក្នុងរបបស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្ម។
ម្ចាស់ ឬនាយករោងចក្រ សហគ្រាសត្រូវអនុវត្តរបបស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្មតាមកាលកំណត់ឱ្យបានត្រឹមត្រូវដោយការទទួលខុសត្រូវ និងសុចរិតភាព។ ក្នុងករណីល្មើសណាមួយនឹងទទួលរងការចាត់វិធានការពីអធិការការងារ។
ខ. សំណួរ និងចម្លើយស្តីពីរបាយការណ៍ស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្ម
ការិយភារីគឺជា (អ្នកម៉ៅការបន្ត) ជាអ្នកទទួលការពីសហគ្រិន ជ្រើសរើសកម្មករហត្ថពលិកដោយខ្លួនឯងតាមត្រូវការដើម្បីប្រតិបត្តិការងារឬផ្តល់សេវាណាមួយដោយគិតថ្លៃសរុប។
ការធ្វើបច្ចុប្បន្នភាពព័ត៌មានទូទៅរបស់រោងចក្រ សហគ្រាស សំដៅដល់ការបានធ្វើបច្ចុប្បន្នភាពព័ត៌មានទូទៅរបស់រោងចក្រ សហគ្រាស មានជាអាទិ៍ ក្នុងករណីមានការផ្លាស់ប្តូរម្ចាស់ នាយក ឬអាសយដ្ឋាន រដ្ឋបាល លេខទូរសព្ទ អ៊ីម៉ែល និងចំនួនកម្មករនិយោជិត។
ករណីមិនមែនជាសាខាសហគ្រាសណាមួយ សូមបំពេញព័ត៌មានរបស់រោងចក្រ សហគ្រាសលោក-លោកស្រី ក្នុងចំណុចសាខាសហគ្រាស។
សមាគមនិយោជក មានន័យថា ជាអង្គការវិជ្ជាជីវៈដែលបង្កើតឡើងដោយនិយោជក។
ត្រូវបំពេញព័ត៌មានម្ចាស់ភាគហ៊ុនបច្ចុប្បន្ន របស់រោងចក្រ សហគ្រាស ស្របតាមលក្ខន្តិកៈក្រុមហ៊ុន។ ករណីម្ចាស់ភាគហ៊ុនមានលើសពីម្នាក់ សូមចុចប៊ូតុង "ADD" ដើម្បីបញ្ចូលសមាសភាពបន្ថែម។
កាលបរិច្ឆទបើកដំណើរការរោងចក្រ សហគ្រាសត្រូវបំពេញយោងតាមកាលបរិច្ឆេទចុះបញ្ជីពាណិជ្ជកម្ម ឬលិខិតអនុញ្ញាតតាមសកម្មភាពអាជីវកម្មរបស់រោងចក្រ សហគ្រាស។
- ករណីរោងចក្រ សហគ្រាសមានប្រើប្រាស់កម្មករនិយោជិតក្រោម ៨នាក់ ត្រូវជាប់កាតព្វកិច្ចធ្វើសេចក្តីប្រកាសជូនដំណឹងបើកសហគ្រាស, សៀវភៅបញ្ជីប្រចាំសហគ្រាស, សៀវភៅបើកប្រាក់/បញ្ជីបើកប្រាក់ឈ្នួលតាមប្រព័ន្ធកុំព្យូទ័រ។
- ករណីរោងចក្រ សហគ្រាសមានប្រើប្រាស់កម្មករនិយោជិតចាប់ពី ៨នាក់ឡើងទៅ ត្រូវជាប់កាតព្វកិច្ចធ្វើសេចក្តីប្រកាសជូនដំណឹងបើកសហគ្រាស, សៀវភៅបញ្ជីប្រចាំសហគ្រាស, សៀវភៅបើកប្រាក់/បញ្ជីបើកប្រាក់ឈ្នួលតាមប្រព័ន្ធកុំព្យូទ័រ, និងបទបញ្ជាផ្ទៃក្នុង។
រោងចក្រ សហគ្រាសអាចបន្តប្រើប្រាស់បែបបទសហគ្រាសស្តីពីសហគ្រាសដែលមានចុះបញ្ជិកាជា HARD COPY កន្លងមក លើកលែងតែសេចក្ដីប្រកាសជូនដំណឹងបើកសហគ្រាសដែលតម្រូវឱ្យរៀបចំឡើងវិញតាមប្រព័ន្ធ LACMS ដើម្បីមានទិន្នន័យរួមក្នុងការគ្រប់គ្រងរោងចក្រ សហគ្រាស។
ម្ចាស់ ឬនាយករោងចក្រ សហគ្រាស ត្រូវស្គែនបែបបទទាំងនោះជាទម្រង់ PDF មិនលើសពី ៥MB រួចចុចពាក្យ “CHOOSE FILE” ដើម្បីបញ្ចូលឯកសារនោះទៅតាមប្រភេទនៃបែបបទនីមួយៗនៅក្នុងប្រព័ន្ធ។
សំដៅដល់ការរក្សាទុកសៀវភៅបើកប្រាក់ឈ្នួល ឬបញ្ជីបើកប្រាក់ឈ្នួលតាមប្រព័ន្ធកុំព្យូទ័រ ដែលបានបើកផ្តល់ជូនកម្មករនិយោជិតកន្លងមកក្នុងរយៈពេល ៣ឆ្នាំ។
ចំនួនកម្មករនិយោជិតសរុប គឺត្រូវបំពេញចំនួនកម្មករនិយោជិតពេញសិទ្ធិសរុបក្នុងរោងចក្រ សហគ្រាស គិតត្រឹមថ្ងៃដែលធ្វើស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្ម។ ជាមួយនេះ ចំនួនកម្មករនិយោជិតសរុប ក្នុងចំណុច ៣.១ នឹងបង្ហាញនៅចំណុច ៤.២.២, ១០.៣ និង១០.៤។
ហត្ថករសំដៅដល់ប្រភេទកម្មករដែលធ្វើការក្នុងប្រភេទការងារមិនទាមទារជំនាញ មានជាអាទិ៍ កម្មករសម្អាត កម្មករយាមឃ្លាំង កម្មករថែសួន។
កិច្ចសន្យាសាកល្បងការងារ សំដៅដល់រយៈពេលមួយដែលអនុញ្ញាតឱ្យនិយោជកវិនិច្ឆ័យវិជ្ជាជីវៈនៃកម្មករនិយោជិត ហើយសម្រាប់កម្មករនិយោជិតស្គាល់យ៉ាងជាក់ច្បាស់នូវលក្ខខណ្ឌនៃការងារដែលគេផ្តល់ឱ្យ។
កិច្ចសន្យាសាកល្បងការងារមានរយៈពេលមិនលើសពី ៣ខែចំពោះនិយោជិត ២ខែចំពោះកម្មករឯកទេស និង១ខែចំពោះកម្មករធម្មតា។
កិច្ចសន្យាការងារកម្មករនិយោជិតពេញសិទ្ធិមាន ២ប្រភេទគឺ កិច្ចសន្យាការងារមានថិរវេលាមិនកំណត់ (UDC) និងកិច្ចសន្យាការងារមានថិរវេលាកំណត់ (FDC) ។
ក្នុងករណីនេះ អ្នកធ្វើស្វ័យប្រកាសអធិការកិច្ចការងារ ត្រូវពិនិត្យមើលចំនួនកម្មករនិយោជិតដែលមានបំពេញក្នុងម៉ឺនុយទី៣ ឱ្យបានត្រឹមត្រូវ។
ការព្យួរកិច្ចសន្យាការងារគឺសំដៅដល់ការផ្អាកសកម្មភាពផលិតកម្ម អាជីវកម្មរបស់រោងចក្រ សហគ្រាស ជាបណ្ដោះអាសន្នទាំងស្រុង ឬផ្នែកខ្លះ។ ការព្យួរកិច្ចសន្យាការងារត្រូវមានការអនុញ្ញាត និងស្ថិតក្រោមការត្រួតពិនិត្យរបស់អធិការការងារ។ ការព្យួរកិច្ចសន្យាការងារនេះ គឺគិតក្នុងឆ្នាំស្វ័យប្រកាស។
ការហ្វឹកហ្វឺនកូនជាង សំដៅដល់កាតព្វកិច្ចរបស់ម្ចាស់ ឬនាយក សំដៅដល់កាតព្វកិច្ចរបស់នាយកគ្រឹះស្ថាន ឧស្សាហកម្ម ឬពាណិជ្ជកម្ម សិប្បករ ឬជាងម្នាក់ទទួល ឬប្រគល់ភារៈអប់រំវិជ្ជាជីវៈឱ្យបានពេញលេញ និងតាមរបៀបបច្ចេកទេស ដល់បុគ្គលម្នាក់ទៀតដែលចុះកិច្ចសន្យាថានឹងជួយធ្វើការក្នុងឋានៈជាកូនជាង តាមលក្ខខណ្ឌ និងថិរវេលាដែលបានព្រមព្រៀងគ្នា។ ថិរវេលានេះមិនលើសពីពីរឆ្នាំទេ។
រោងចក្រ សហគ្រាសដែលមានចំនួនកម្មករនិយោជិតសរុបចាប់ពី ៦១នាក់ឡើងទៅ ត្រូវមានកាតព្វកិច្ចហ្វឹកហ្វឺនកូនជាង/កម្មសិក្សា ចំនួន ១០ភាគរយនៃចំនួនកម្មករនិយោជិតសរុប។ រោងចក្រ សហគ្រាសដែលជាប់កាតព្វកិច្ចហ្វឹកហ្វឺនកូនជាងអាចបំពេញកាតព្វកិច្ចនេះ ដោយរៀបចំហ្វឹកហ្វឺនកូនជាង ឬការបង់ពន្ធអាករហ្វឹកហ្វឺនកូនជាង/កម្មសិក្សាប្រចាំឆ្នាំ។
- ប្រាក់ឈ្នួលទាបបំផុត សំដៅដល់ប្រាក់ឈ្នួលដែលកម្មករនិយោជិតបានទទួលតិចជាងគេក្នុងមួយខែ។
- ប្រាក់ឈ្នួលមធ្យម សំដៅប្រាក់ឈ្នួលដែលកម្មករនិយោជិតបានទទួលជាមធ្យមក្នុងមួយខែ។ មូលដ្ឋាននៃការគិតប្រាក់ឈ្នួលជាមធ្យម គឺយកប្រាក់ចំណាយសម្រាប់បើកប្រាក់ឈ្នួលកម្មករនិយោជិតសរុបចែកនឹងចំនួនកម្មករនិយោជិតសរុបក្នុងរោងចក្រ សហគ្រាស។
- ប្រាក់ឈ្នួលខ្ពស់បំផុត សំដៅដល់ប្រាក់ឈ្នួលដែលកម្មករនិយោជិតបានទទួលច្រើនជាងគេក្នុងមួយខែ។
កម្រិតប្រាក់ឈ្នួលជាសាច់ប្រាក់នេះជាប្រាក់ឈ្នួលមិនទាន់កាត់ពន្ធ ហើយគិតរួមបញ្ចូលទាំងកម្មករនិយោជិតខ្មែរ និងបរទេស។
ប្រាក់ឈ្នួលជាវត្ថុ សំដៅដល់សម្ភារប្រើប្រាស់ ឬគ្រឿងឧបភោគ ដែលបើកផ្ដល់ឱ្យកម្មករនិយោជិតមានជាអាទិ៍ អង្ករ ត្រីសាច់ ភេសជ្ជៈ និងសម្លៀកបំពាក់។
- ប្រាក់ឈ្នួលតាមពេលវេលា៖ សំដៅដល់កាផ្ដល់ប្រាក់ឈ្នួលដែលកម្មករនិយោជិតបានបំពេញការងារ និងបើកផ្ដល់ទៅតាមកាលកំណត់ជាប្រចាំខែ
- ប្រាក់ឈ្នួលតាមបរិមាណផលិតផល (ដេរស៊ីបុង)៖ សំដៅដល់ការផ្ដល់ប្រាក់ឈ្នួលតាមបរិមាណផលិតផលការងារដែលកម្មករនិយោជិតម្នាក់ៗសម្រេចបាន។
- ប្រាក់បំណាច់អតីតភាពការងារ៖ សំដៅដល់ប្រាក់បំណាច់មួយដែលត្រូវផ្តល់ដោយនិយោជកសម្រាប់កម្មករនិយោជិតដែលប្រើប្រាស់កិច្ចសន្យាការងារមានថិរវេលាមិនកំណត់ ដែលស្មើនឹងចំនួន ១៥ថ្ងៃ ក្នុង១ឆ្នាំ ដោយទូទាត់ ២ដង ក្នុង ១ឆ្នាំ គឺឆមាសទី១ (៧,៥ថ្ងៃ) និងឆមាសទី២ (៧,៥ថ្ងៃ)។
- ប្រាក់រង្វាន់អតីតភាពការងារ៖ សំដៅដល់ប្រាក់បើកផ្តល់ជូនកម្មករនិយោជិតក្នុងផ្នែកកាត់ដេរដែលមានអតីតភាពការងារលើសពីមួយឆ្នាំឡើងទៅ (គិតចាប់ពីឆ្នាំទី២ឡើងទៅ ឬចាប់ពីខែទី១៣) ដោយបើកចាប់ពី ២ដុល្លារ ដល់១១ ដុល្លារ អាស្រ័យលើអតីតភាពការងារកម្មករនិយោជិតម្នាក់ៗ។
សំដៅដល់ការឈប់សម្រាកដោយមានប្រាក់ឈ្នួលដែលមានថិរវេលាមិនលើសពី៧ថ្ងៃក្នុង១ឆ្នាំរបស់កម្មករនិយោជិត ក្នុងករណីមានធុរៈផ្ទាល់ខ្លួនឬព្រឹត្តិការណ៍ប៉ះពាល់ដល់គ្រួសារកម្មករនិយោជិតមានដូចជា៖ ការរៀបអាពាហ៍ពិពាហ៍ផ្ទាល់ខ្លួន ប្រពន្ធសម្រាលកូន ការរៀបអាពាហ៍ពិពាហ៍កូន ប្តី ប្រពន្ធ កូន ឪពុក ម្តាយ មានជំងឺឬទទួលមរណភាព។
រោងចក្រ សហគ្រាសដែលមានកម្មករនិយោជិតចាប់ពី ៨នាក់ ដល់ ៥០នាក់ ត្រូវបង្កើតក្រុមការងារអេដស៍។ ដោយឡែក រោងចក្រ សហគ្រាសដែលមានកម្មករនិយោជិតចាប់ពី ៥១នាក់ឡើងទៅ ត្រូវបង្កើតគណៈកម្មការអេដស៍។
ការពិនិត្យកាយសម្បទាសំដៅដល់ការពិនិត្យនូវសារពាង្គកាយ និងសរីរាង្គរបស់កម្មករនិយោជិត ដើម្បីឱ្យបានដឹងថាមានកាយសម្បទា និងសរីរាង្គសមស្របទៅនឹងប្រភេទការងារ និងមុខរបរ ដែលកម្មករនិយោជិតនោះត្រូវធ្វើដែរឬទេ។
ការពិនិត្យកាយសម្បទាជាកាលិកសំដៅដល់ការពិនិត្យនូវសារពាង្គកាយ និងសរីរាង្គរបស់កម្មករនិយោជិតឡើងវិញ បន្ទាប់ពីបានចូលបម្រើការងារហើយ ដោយកម្មករនិយោជិតទាំងអស់ត្រូវទៅពិនិត្យសុខភាពតាមការកំណត់របស់អធិការការងារ។
ដើម្បីមានឈ្មោះកម្មករនិយោជិត និងអាចធ្វើបច្ចុប្បន្នភាពស្ថានភាពចាក់វ៉ាក់សាំងរបស់កម្មករនិយោជិតបាន ម្ចាស់ ឬនាយករោងចក្រ សហគ្រាស ត្រូវធ្វើបច្ចុប្បន្នភាពព័ត៌មានកម្មករនិយោជិតនៅក្នុងប្រព័ន្ធសេវាសាធារណៈ LACMS ជាមុនសិន រួចចូលទៅបញ្ជីចាក់វ៉ាក់សាំង និងចុចប៊ូតុង "GET EMPLOYEE FROM LACMS" ។
រោងចក្រ សហគ្រាសដែលមានកម្មករនិយោជិតតិចជាង២០ នាក់ ត្រូវរៀបចំប្រអប់សង្គ្រោះតាមកាលកំណត់ឱ្យបានត្រឹមត្រូវ។
រោងចក្រ សហគ្រាសដែលមានកម្មករនិយោជិតចាប់ពី២០ ដល់៤៩នាក់ ត្រូវរៀបចំបន្ទប់រុំរបួសតាមកាលកំណត់ឱ្យបានត្រឹមត្រូវ។
រោងចក្រ សហគ្រាសដែលមានកម្មករនិយោជិតចាប់ពី ៥០នាក់ ត្រូវរៀបចំគិលានដ្ឋាន ឬប្រើប្រាស់គិលានដ្ឋានរួម ឬមូលដ្ឋានសុខាភិបាលតាមកាលកំណត់ឱ្យបានត្រឹមត្រូវ។
- គិលានដ្ឋានក្នុងសហគ្រាស សំដៅដល់ការរៀបចំគិលានដ្ឋានផ្ទាល់នៅក្នុងរោងចក្រ សហគ្រាស
- គិលានដ្ឋានរួម សំដៅដល់ការប្រើប្រាស់គិលានដ្ឋានរួមគ្នាដែលមានទីតាំងនៅជិតរោងចក្រ សហគ្រាស មិនលើសពី ១គីឡូម៉ែត្រ ឬរោងចក្រ សហគ្រាសដែលស្ថិតក្នុងតំបន់សេដ្ឋកិច្ចពិសេស
- មូលដ្ឋានសុខាភិបាល សំដៅដល់ការប្រើប្រាស់មណ្ឌលសុខភាព/មន្ទីរពេទ្យឯកជនដែលទទួលស្គាល់ដោយក្រសួងសុខាភិបាល និងមានចម្ងាយមិនលើសពី ២គីឡូម៉ែត្រពីរោងចក្រ សហគ្រាស។
សំដៅដល់រោងចក្រ សហគ្រាសដែលត្រូវចុះបញ្ជិកាជាមួយនឹង ប.ស.ស។
សំដៅដល់រោងចក្រ សហគ្រាស ដែលបានចុះបញ្ជិកាកម្មករនិយោជិតផ្នែកហានិភ័យការងារ និងថែទាំសុខភាពជាមួយនឹងប.ស.ស។
និយោជកមានកាតព្វកិច្ចបង់ភាគទានឱ្យកម្មករនិយោជិតផ្នែកហានិភ័យការងារ និងផ្នែកថែទាំសុខភាព ។ ភាគទាននេះ និយោជកមិនត្រូវកាត់យកពីប្រាក់ឈ្នួលរបស់កម្មករនិយោជិត ឬតម្រូវឱ្យកម្មករនិយោជិតបង់ឡើយ។ និយោជកត្រូវបង់ភាគទានតាមចំនួនកម្មករនិយោជិតជាក់ស្ដែង និងទៅតាមចំនួនប្រាក់ឈ្នួលដែលកម្មករនិយោជិតទទួលបាន។
រោងចក្រ សហគ្រាសដែលមានកម្មករនិយោជិតចាប់ពី ៨នាក់ឡើងទៅ ត្រូវជាប់កាតព្វកិច្ចបោះឆ្នោតជ្រើសរើសប្រតិភូបុគ្គលិក និងត្រូវអនុវត្តឱ្យបានត្រឹមត្រូវតាមការកំណត់ក្នុងប្រកាសស្តីពីប្រតិភូបុគ្គលិកនៅក្នុងរោងចក្រ សហគ្រាស។
សំដៅដល់អង្គការវិជ្ជាជីវៈដែលបង្កើតឡើងដោយកម្មករ និយោជិតដោយការរួបរួមគ្នា និងដោយការស្ម័គ្រចិត្តនៅក្នុងមូលដ្ឋាននៃរោងចក្រ សហគ្រាសនោះ។
អនុសញ្ញារួម គឺជាកិច្ចព្រមព្រៀងរវាងតំណាងកម្មករនិយោជិត និងនិយោជកស្តីពីការអនុវត្តលើលក្ខខណ្ឌការងារបានល្អជាងច្បាប់ ហើយត្រូវយកទៅចុះបញ្ជីនៅអង្គភាពទទួលបន្ទុក។
សំដៅដល់វិវាទដែលកើតឡើងរវាងនិយោជក និងកម្មករនិយោជិតម្នាក់ ឬច្រើននាក់ ឬអ្នករៀនធ្វើការម្នាក់ឬច្រើននាក់តាមរឿងរៀងៗខ្លួន ហើយទាក់ទងនឹងការបកស្រាយ ឬការអនុវត្ដបទប្បញ្ញត្ដិនៃកិច្ចសន្យាការងារ ឬកិច្ចសន្យាហ្វឹកហ្វឺនកម្មករនិយោជិត ឬបទប្បញ្ញតិ្ដការងារនៃអនុសញ្ញារួម ព្រមទាំងច្បាប់បញ្ញតិ្ដជាធរមានផង។
សំដៅដល់វិវាទដែលកើតឡើងរវាងនិយោជកម្នាក់ ឬច្រើននាក់ នឹងបុគ្គលិករបស់ខ្លួនមួយចំនួនអំពីរឿងលក្ខខណ្ឌការងារ ការប្រើប្រាស់សិទ្ធិដែលប្រគល់ឱ្យអង្គការវិជ្ជាជីវៈ ការត្រូវទទួលស្គាល់អង្គការវិជ្ជាជីវៈក្នុងសហគ្រាស បញ្ហានៃការទាក់ទងរវាងនិយោជក និងកម្មករនិយោជិត ហើយវិវាទនេះ អាចបណ្ដាលឱ្យសហគ្រាសប្រព្រឹត្ដទៅពុំបានស្រួល ឬធ្វើឱ្យខូចសន្ដិភាពសង្គម។
រោងចក្រ សហគ្រាសដែលទទួលឱ្យកម្មករនិយោជិតធ្វើការ និង/ឬបញ្ឈប់ពីការងារ ត្រូវធ្វើសេចក្ដីប្រកាសជូនដំណឹងអំពីចលនាបុគ្គលិកចេញ/ចូលឱ្យបានត្រឹមត្រូវ។
និយោជកដែលត្រូវប្រើប្រាស់ហត្ថពលកម្មបរទេសត្រូវស្នើសុំការអនុញ្ញាតប្រើប្រាស់ហត្ថពលកម្មបរទេសប្រចាំឆ្នាំ (កូតា)។ ហត្ថពលកម្មបរទេសដែលធ្វើការនៅក្នុងរោងចក្រ សហគ្រាស ត្រូវពិនិត្យកាយសម្បទា, មានកិច្ចសន្យាការងារ និងបណ្ណការងារ/សៀវភៅការងារឱ្យបានត្រឹមត្រូវ។
ករណីនិយោជកកំពុងស្នើសុំបណ្ណ/សៀវភៅការងារជនបរទេស ប្រព័ន្ធនឹងបង្ហាញចំនួនដែលកំពុងផ្ទៀងផ្ទាត់ក្នុងចំនុចទី “៤. កំពុងផ្ទៀងផ្ទាត់បណ្ណ/សៀវភៅការងារចំនួន”។
ករណីចំនួន គ្មានបណ្ណ/សៀវភៅការងារកម្មករនិយោជិតខ្មែរ បង្ហាញចំនួនអវិជ្ជមាន ដោយសារនិយោជកមិនបានធ្វើបច្ចុប្បន្នភាពទិដ្ឋការចេញរបស់កម្មករនិយោជិតដែលបានឈប់ពីរោងចក្រ សហគ្រាសរបស់ខ្លួន។ ជាហេតុនាំឱ្យចំនួនសៀវភៅការងារដែលបានស្នើសុំលើប្រព័ន្ធ LACMS មានចំនួនច្រើនជាងចំនួនកម្មករនិយោជិតខ្មែរដែលបានបំពេញក្នុងចំណុច ៣.១។ ដូច្នេះ និយោជកត្រូវបំពេញសេវាសាធារណៈ បច្ចុប្បន្នភាពទិដ្ឋាការ "ចេញ" លើសៀវភៅការងារតាមប្រព័ន្ធ LACMS។
ករណីកម្មករនិយោជិតមានសៀវភៅការងារទម្រង់ចាស់នៅតែអាចបន្តប្រើប្រាស់បាន ប៉ុន្តែត្រូវបំពេញចំនួនសៀវភៅការងារទម្រង់ចាស់ ដែលមានក្នុងរោងចក្រ សហគ្រាសក្នុងចំណុចទី៣ នៃចំណុច ១០.៤ ឱ្យបានត្រឹមត្រូវ។
ចំណុចដែលត្រូវផាកពិន័យ សំដៅដល់លក្ខខណ្ឌអាទិភាព ៣១ចំណុច ដែលមិនអនុវត្តតាមច្បាប់នឹងទទួលរងការផាកពិន័យភ្លាមពីអធិការការងារ។
ករណីមាន "ចំណុចដែលត្រូវផាកពិន័យ" និយោជកត្រូវរៀបចំធ្វើការកែសម្រួលចំនុចដែលមិនទាន់អនុលោមទៅនឹងច្បាប់តាមចំនុចនីមួយៗ ឱ្យបានត្រឹមត្រូវ និងមុនពេលដែលអធិការការងារចុះធ្វើអធិការកិច្ចការងារ។ បើមិនដូច្នោះទេ រោងចក្រ សហគ្រាស នឹងត្រូវទទួលរងការផាកពិន័យភា្លមៗពីអធិការការងារ ពេលចុះធ្វើអធិការកិច្ចការងារ។
ចំណុចដែលត្រូវដាក់កំហិត សំដៅដល់លក្ខខណ្ឌចម្បង ៤១ចំណុច ដែលមិនអនុវត្តតាមច្បាប់នឹងទទួលរងការដាក់កំហិតពីអធិការការងារ។
សេវាសាធារណៈរបស់ក្រសួងដែលត្រូវធ្វើ សំដៅដល់សេវាសាធារណៈដែលម្ចាស់ ឬនាយករោងចក្រ សហគ្រាសមានកាតព្វកិច្ចត្រូវបំពេញ និង/ឬកែតម្រូវស្របតាមច្បាប់ និងបទប្បញ្ញត្តិក្នុងវិស័យការងារ ក្នុងប្រព័ន្ធ LACMS។
ក្រោយពេលចុចលើពាក្យ “OK” របាយការណ៍ស្វ័យប្រកាសនឹងត្រូវបានបញ្ចប់ និងមិនអាចកែសម្រួលទៀតឡើយ។
បើទោះបីជាម្ចាស់ ឬនាយករោងចក្រ សហគ្រាសមិនចុចបញ្ចប់របាយការណ៍ស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្មក៏ដោយ នៅរាល់ដំណាច់ខែមិថុនា និងខែធ្នូ នៃឆ្នាំនីមួយៗ ប្រព័ន្ធនឹងធ្វើការបិទបញ្ចប់របាយការណ៍ស្វ័យប្រកាសអធិការកិច្ចការងារតាមប្រព័ន្ធស្វ័យប្រវត្តិកម្មដោយស្វ័យប្រវត្តិ។
ក្រោយបញ្ចប់ការធ្វើស្វ័យប្រកាសអធិការកិច្ចការងារ ម្ចាស់ ឬនាយករោងចក្រ សហគ្រាសត្រូវទាញយករបាយការណ៍ស្វ័យប្រកាសអធិការកិច្ចការងារ ដើម្បីព្រីនចេញ ចុះហត្ថលេខា និងវាយត្រារោងចក្រ សហគ្រាសគ្រប់ទំព័រ។ បន្ទាប់មក ត្រូវស្គែនរបាយការណ៍នោះជាទម្រង់ PDF មិនឱ្យលើសពី ១០MB រួចបញ្ចូលក្នុងប្រព័ន្ធ។